影片
更多
2007-01-25
20 浏览
24 December 2006 (Sun) - 晚飯真係大鑊，居然忙到，到今時今日先至得閒寫返上個月既食評．．．平安夜同爸爸黎咗食聖誕大餐，喺太遲搵地方既情況底下，我就求祈喺本雜誌入面搵到呢度，又好在仲有位，真係好彩～～呢度環境唔錯，有好多大窗，令到地方望落都好舒適，而且佢都會比啲好寛濶既位比兩個人坐，所以感覺唔錯，食物方面，都算係唔錯，嗰日既set係頭盆有鵝肝醬多士or龍蝦沙律，我同爸爸一人叫一種，我覺得佢個沙律好似好味啲，因為我對鵝肝興趣非常大，但係醬就麻麻，不過都算唔錯；然後有個蘑菇湯，佢個湯碗好得意，我初頭覺得似人哋熱飲既杯，到後尾上飲品發現原來真係杯黎既！然後main course有魚同turkey 揀， 我同爸都係揀魚，我哋都比較少食肉，個魚都唔錯，而且唔會話好細件咁，最後個黑森林蛋糕就麻麻啦，一來唔特別，二來又好甜，所以我都只係食咗一半，而我爸爸則冇掂過添，如果佢係cheese cake或者tiramitsu，我都會同佢食晒佢！總括，呢度好新，就連個manager都有行黎問下我哋啲嘢ok唔ok，因為佢話呢度都頗新，希望做得更好，起碼我覺得呢度既waitress/wait
真係大鑊，居然忙到，到今時今日先至得閒寫返上個月既食評．．．
平安夜同爸爸黎咗食聖誕大餐，喺太遲搵地方既情況底下，我就求祈喺本雜誌入面搵到呢度，又好在仲有位，真係好彩～～
呢度環境唔錯，有好多大窗，令到地方望落都好舒適，而且佢都會比啲好寛濶既位比兩個人坐，所以感覺唔錯，食物方面，都算係唔錯，嗰日既set係頭盆有鵝肝醬多士or龍蝦沙律，我同爸爸一人叫一種，我覺得佢個沙律好似好味啲，因為我對鵝肝興趣非常大，但係醬就麻麻，不過都算唔錯；然後有個蘑菇湯，佢個湯碗好得意，我初頭覺得似人哋熱飲既杯，到後尾上飲品發現原來真係杯黎既！然後main course有魚同turkey 揀， 我同爸都係揀魚，我哋都比較少食肉，個魚都唔錯，而且唔會話好細件咁，最後個黑森林蛋糕就麻麻啦，一來唔特別，二來又好甜，所以我都只係食咗一半，而我爸爸則冇掂過添，如果佢係cheese cake或者tiramitsu，我都會同佢食晒佢！
總括，呢度好新，就連個manager都有行黎問下我哋啲嘢ok唔ok，因為佢話呢度都頗新，希望做得更好，起碼我覺得呢度既waitress/waiter態度好好，嘢食亦唔錯，所以我都會recommend，只係略嫌貴咗啲，要$688一位for Christmas Eve Dinner，上年我同爸爸食嗰間都只係四百零．．．anyways，我覺得呢度都係飲嘢既好選擇，只係唔知可唔可以齋飲唔食啫，hehe！
张贴