翡翠拉麵小籠包 (已結業)

聖誕前好多時走左去shopping，都會出街食，所以唔可以餐餐食咁貴，今次就揀左海港城入面既翡翠，因為檯多，所以等位唔洗等太耐，我地7：30左右到，只等左20分鐘就有位。等位期間想快就劃定食咩先，入座馬上落單，慳返唔少時間（笑）。2個女仔食唔得多野，叫左小籠包，皮薄肉汁多 但唔夠熱就差d啦，我中意多醋咁食，令到d肉冇咁膩。小食有我勁中意既脆鱔，炸得好脆夠乾身，餐前小食脆卜卜，大愛啊！不過d汁偏酸，甜味較少，如果甜味重返d就更好了。本身想叫莧菜，不過賣哂，唯有叫菠菜啦，豆醬炒菠菜好味，炒得唔油夠熱辣辣，味道剛好又唔太咸。最後有個飽肚d既上海炒年糕，好中意年糕既質感，煙煙unun咁真係有咬口，醬汁唔會太濃太咸，混合左少少黃芽白 ＆ 肉絲，唔會太膩。呢晚叫左4樣野，每人180蚊，算係幾抵食吖。