成都老碼頭火鍋 (已結業)

今日同朋友過到嚟旺角行街，依間餐廳位於旺角同埋奧運站嘅中間，而且嚟到餐廳嘅裝修超靚，好似去到中國嘅古典感覺，而且環境好闊落，啱晒各位打卡😍加上嘢食都好高質同埋抵食就先醬料費同埋水果都只係每個人$25，今次嘅水果係荔枝同埋芒果，超級甜，勁好味，清新又健康👅湯底方面我哋叫咗豬骨湯，好香濃嘅豬骨味，仲要清清地，煮咩都咁好味😋最推介嘅係日本A4和牛頸脊真係超好味，同日本食嘅味道一樣，牛肉味道勁囉，仲要肉質超級鬆軟，入口即溶，完全對得住呢個價錢👍🏻另外西班牙黑毛豬腩肉、手工芝士墨魚丸、手工韭菜餃味道都好正，尤其是係芝士墨魚丸，超級彈牙，咬落去爆曬啲芝士汁出嚟😛👅總括嚟講依間餐廳嘅嘢食高質，而且價錢都唔算貴，值得食！