聖安娜餅屋 (已結業)

檸檬芝士蛋糕 $298呢款檸檬芝士蛋糕係新款，我見張相面頭既鮮果裝飾好似幾精緻就試試。到餅店取餅先發現原來個蛋糕好迷你，之前都無留意原來得約0.9磅，直徑得約12厘米，見到呢個價錢同張相仲以爲會大d。蛋糕主要係芝士層，面有一層薄薄檸檬味jelly，墊有薄薄一層餅底，面頭有綠色朱古力條包住新鮮士多啤梨，加有朱古力小花同瓜子做裝飾，賣相可愛。不過芝士蛋糕真係非常普通，係厚身既，不過無特別，檸檬味係得層薄薄檸檬味jelly先有。好彩新鮮士多啤梨都好甜。蛋糕剛剛夠四個人食，如果呢個價錢知道係呢個size我就唔會買呢款啦。