影片
更多
2016-07-12
620 浏览
雖然而家天氣真係好熱但唔知點解都會好想打邊爐所以早排就約埋朋友仔一齊去食火鍋喇朋友係長沙灣果面番工話聽同事成日都講呢間老三我Openrice過覺得都唔錯，所以就揀左佢火鍋店既裝修雖然好簡單但係就好光猛同乾淨而且d枱都唔算迫，坐得都幾舒服呢到係自己畫點菜紙既唔知點解覺得張點菜紙好有台灣既感覺 (哈)一路睇食咩既時候店員就已經拎左d調味料比我地混醬雖然選擇唔多，但基本既蒜，辣椒同埋蔥都有湯底方面都有成10款左右比你選擇但黎呢到，當然係要試佢個招牌老鴨湯底啦老鴨湯底 (半隻) $78店家話呢個湯底係用老鴨加埋d藥材煲6個鐘而成雖然聞落有少少羶味但好神奇既係飲果時真係唔覺味道幾甜，唔會好重藥味個湯底可以當湯，亦可以用黎打邊爐，其實都幾抵飲完湯之後，店員就會幫手添番d上湯就可以開始打邊爐喇手切靚肥牛 (大) $218手切牛有3個grade可以揀我地揀左中間果個正係睇牛肉既色澤都知好高質而且脂肪既分佈好平均食落牛味十分濃郁加埋無冰鮮過，質感好有彈性$218甘高質又甘大碟，真係抵食豬面青 $38另外叫左個豬面青肉質嫩得黎帶少少爽口好食過薄切果d豚肉多多聲豬粉腸 $38呢到都幾多內臟可以選擇粉腸洗得好
但唔知點解都會好想打邊爐
所以早排就約埋朋友仔一齊去食火鍋喇
朋友係長沙灣果面番工
話聽同事成日都講呢間老三
我Openrice過覺得都唔錯，所以就揀左佢
火鍋店既裝修雖然好簡單但係就好光猛同乾淨
而且d枱都唔算迫，坐得都幾舒服
呢到係自己畫點菜紙既唔知點解覺得張點菜紙好有台灣既感覺 (哈)
一路睇食咩既時候店員就已經拎左d調味料比我地混醬
雖然選擇唔多，但基本既蒜，辣椒同埋蔥都有
湯底方面都有成10款左右比你選擇但黎呢到，當然係要試佢個招牌老鴨湯底啦
老鴨湯底 (半隻) $78店家話呢個湯底係用老鴨加埋d藥材煲6個鐘而成
雖然聞落有少少羶味
但好神奇既係飲果時真係唔覺
味道幾甜，唔會好重藥味
個湯底可以當湯，亦可以用黎打邊爐，其實都幾抵
飲完湯之後，店員就會幫手添番d上湯
就可以開始打邊爐喇
手切靚肥牛 (大) $218手切牛有3個grade可以揀
我地揀左中間果個
正係睇牛肉既色澤都知好高質
而且脂肪既分佈好平均
食落牛味十分濃郁
加埋無冰鮮過，質感好有彈性
$218甘高質又甘大碟，真係抵食
豬面青 $38另外叫左個豬面青
肉質嫩得黎帶少少爽口
好食過薄切果d豚肉多多聲
豬粉腸 $38呢到都幾多內臟可以選擇
粉腸洗得好乾淨
而且吸哂個湯既鮮味，好食
四寶餃 $48幾款餃既味道都唔錯
不過以椰菜餃最得我心
椰菜食落爽脆，而且甜味係意想不到既重
四寶丸 $68四寶丸有牛丸，蝦丸，墨丸同鯪魚球
四款都好彈牙
不過墨丸同牛丸味道就比較淡
蝦丸就好有驚喜
因為佢無完全打到爛哂
仲會食到少少蝦肉本身既質感，
而且蝦味好強，好似真係食緊隻蝦甘
炸荔芋 $36即叫新鮮即炸
就甘食其實都已經好好食
准山 $38出面比較少見既鮮准山
准山煮淋左會吸左少少湯既味道
如果係出面d湯就怕會吸哂d味精味
但呢到本身個湯靚
所以食多幾條都無問題
什菜拼盤 $48什菜有菜心，娃娃菜，油麥菜
雖然菜好似無咩特別
但其實都食得出店家既誠意
第一，d菜洗得好乾淨
第二，d菜已經度過，所以完全無黃葉
呢2點其實真係唔會間間食肆做到
而且d菜好靚，食落又甜又淋，正
小麥草蘆薈 $25雖然位置有d遠
但當日(平日)都有唔少客人
證明呢到既質素真係好好
小公主覺得呢到既食物唔錯
而且價錢都好合理
絕對係食火鍋既好地方
不過都想建議番，店內既抽風可能要做好d
因為當間店有成20個老鴨湯係到同時滾緊
其實個味都會幾羶
所以對羶味好敏感既朋友，建議你要慎入
张贴
