等等HEA

营业中

休息中

係呢個艱難嘅抗疫時期，好欣賞你會為餐廳做足所有安全措施，由入門口嘅酒精洗手、涼左體溫先有飯食、所有員工都帶晒口罩、畀九折醫管局員工同埋學生。但有啲細節位，例如門口個餐牌有兩隻烏蠅喺度，枱面本午市餐牌又污污糟糟殘殘舊舊咁，同埋食食吓飯都會有幾隻蚊滋飛過圍住我碟飯飛來飛去，感覺好唔衛生，亦都浪費左你一番嘅心機去營造一個衛生環境嘅感覺。講返食物，上餐速度係奇快，好有效率。你啲鹽酥雞同滷肉飯真係好好食，但個刀削麵啲麵就痴埋一舊，又唔爽唔淋，滷水拼盤份量就夠大，但係啲肉好老同埋好乾，希望你自己得閒都試吓。真心覺得間嘢okay，想繼續返嚟食。好人一生平安。