板長壽司 (創紀之城五期) (已結業)

老闆因為貴人事忙，好少返嚟香港，難得今日返咗嚟，於是我哋又去左老闆最喜愛嘅板長壽司食午餐，老闆係日本人，日本人究竟有幾鍾意食壽司？就係每次返香港都會只係去食板長壽司，哈哈。板長嘅職員已經認得我老闆，每次都會另外攞京蔥同姜俾佢，以前未有即磨Wasabi，員工都會另外攞即磨Wasabi俾我老闆㗎。而家如果你唔係叫午餐，係散叫壽司，每一台都會比即磨Wasabi，老闆話佢哋啲壽司同日本壽司嘅質素差唔多，果然係有保證啊。我最鍾意食佢哋嘅鰻魚壽司，燒得好均勻，醬汁唔會太鹹，點埋啲山椒一齊食好香，另外當日有日本嘅海膽，日本嘅海膽雖然唔係好大塊，但係真係好甜呀，同加拿大海膽比，佢係比較甜嘅。大滿足的一餐。