影片
更多
2009-02-11
19 浏览
位於朗豪坊背後,旺角街市前的<旺角熟食中心> 裡, 有一間隱世餐廳... 裡面的咖哩"農夫包"真係極好味!!(特別係愛好澳門豬仔包脆脆口感0既朋友就一定好鍾意喇)而且佢0個度0既~"凍咖啡" 真係得三個字唻形容, 就係 : 正~正~正~真係好味過三十幾蚊杯0既Starbxxxx coffee0家!!原本唔諗住叫 "凍咖啡", 但當老闆問我個餐飲咩0既時候,我地0係度諗左好耐...老闆見我地楂唔定主意就話:"你地飲唔飲咖啡0家, 我地呢度0的咖啡好正0家!!"我地話:"真係咁正!? 好啦,就要咖啡啦!!...我地第一次0黎0家咋..."另外,有個餐係包個"豬仔包"/ +$5要唔記得咩/豬扒包...我又再R晒頭諗...跟住老闆超好人做埋好味0既手勢咁話:"豬仔包好食呀!!"然後就叫0左老闆推介0既幾樣野喇...真係好好食,又唔貴...最後我地食完走0個陣我仲返去同老闆講:"老闆,你個凍咖啡真係好好飲呀!!"佢答:"真係好飲!?, 多謝晒!!"老闆真係超好人!!!極好味推介一之: 全日餐 $26 蕃茄牛肉粒螺絲粉+牛油豬仔包+飲品(凍飲+$2)極好味推介二之: 農夫包晚餐 (
位於朗豪坊背後,旺角街市前的<旺角熟食中心> 裡, 有一間隱世餐廳...
裡面的咖哩"農夫包"真係極好味!!(特別係愛好澳門豬仔包脆脆口感0既朋友就一定好鍾意喇)
而且佢0個度0既~"凍咖啡" 真係得三個字唻形容, 就係 : 正~正~正~
真係好味過三十幾蚊杯0既Starbxxxx coffee0家!!
原本唔諗住叫 "凍咖啡", 但當老闆問我個餐飲咩0既時候,我地0係度諗左好耐...
老闆見我地楂唔定主意就話:"你地飲唔飲咖啡0家, 我地呢度0的咖啡好正0家!!"
我地話:"真係咁正!? 好啦,就要咖啡啦!!...我地第一次0黎0家咋..."
另外,有個餐係包個"豬仔包"/ +$5要唔記得咩/豬扒包...我又再R晒頭諗...
跟住老闆超好人做埋好味0既手勢咁話:"豬仔包好食呀!!"
然後就叫0左老闆推介0既幾樣野喇...
真係好好食,又唔貴...
最後我地食完走0個陣我仲返去同老闆講:"老闆,你個凍咖啡真係好好飲呀!!"
佢答:"真係好飲!?, 多謝晒!!"
老闆真係超好人!!!
極好味推介一之:
全日餐 $26
蕃茄牛肉粒螺絲粉+牛油豬仔包+飲品(凍飲+$2)
極好味推介二之:
農夫包晚餐 (咖哩牛柳) $43
咖哩牛柳農夫包+羅宋湯+飲品(凍飲+$2)
位置幾易搵0既, 不過我地眼大睇過龍...走0左去旺角街市0個邊, 原來唔駛...
其實"旺角熟食中心"入口就係0係正朗豪酒店地下再行過少少...
去過一次之後一定識!!
呢度0既凍咖啡面頭舖滿榛子, 有好香濃0既咖啡味,而且一0的都唔苦,真係好好飲0家!!
有時諗唔到去邊飲野, 不如就去飲呢度0既凍咖啡啦!!
不過地方就唔好expect靚囉, 只係一般街市熟食中心0既格局, 勝在地方係企理乾淨,又有清潔姐姐駐守, 唔錯唔錯!!^^
老闆咁好, 我一定會再0黎!!
张贴
