坤記糕品專家 (已結業)

知呢度糕點出名, 年年差唔多到過年時d年糕已經賣哂, 記得有年想試下佢地既年糕, 但去到已經無哂, 咁唯有出年再黎過啦, 第二年終於買到, 跟蛋汁後d糕有咬感, 但味道一般, 無太大驚喜! 紅豆糕唔太甜, 有好多紅豆係入便, 密麻麻的填在糕裏, 唔錯! 砵仔糕我唔多食但反而係朋友仔最愛, 好多時經過而又口痕想食野佢都會買番舊食既(佢都算係一個唔好甜食既人), 我既最愛就係佢地既茶果, d葉好香, 次次食完對手都留有好香既葉味, 入便舊糕煙煙靭靭, 紅豆餡又唔係好甜, 成個配搭好好, 不過賣成4蚊我覺得貴左d, 因為唔係好大個....依個笑臉係俾茶果既~p.s. 點解會有外傳? 因為個老闆係我嘛~