尚品墨魚丸大王 (已結業)

店舖第一日新開張，就比職員姐姐叫左我入去試，我諗住新屎坑貪新鮮就入咗去。試左佢個喇沙湯底，覺得真係唔錯，墨丸係人手打嘅，好彈牙，之後再試埋椰汁雞湯，冬陰公湯底，真係幾好食。職員姐姐好好禮貌，會同食客傾計，如果想多少少麵可以同佢講聲，真係會比多啲麵你，食到你飽為止。有時店舖人多，會煮得耐少少，因為得老闆一個人負責煮麵，但睇得出老闆對食物有一定嘅要求，絕不馬虎。我真心推薦大家可以嚟試吓呢一間店舖食佢嘅湯底。