Terrace in seaside (SOHO West)

营业中

休息中

見附近開咗間餐廳，近近地就試下佢。由於天氣好好，所以可以遠望中環嘅景色，冷氣又十分充足，成間舖頭嘅環境都十分舒適。星期六下午都不用等位，侍應服務十分積極和有禮貌，嘢食未到嘅時候整體感覺良好。我哋一行三人叫咗Seaside Bruch、三文魚飯卷、菠菜芝士千層麵、芒果窩夫，另外叫咗三杯嘢飲，包括芒果沙冰、濟州柑橘乳酪、凍咖啡 嘢食大大份，整體味道不錯。Seaside Brunch嘅窩夫充滿驚喜，因為夾了煙肉，鹹鹹地幾特別。只是芒果窩夫太多cream當朋友們一致認為可以再嚟食過嘅時候，隔籬枱的紋身"女老闆"開始大罵兩位員工，坐在顧客旁邊，毫無欣賞員工的付出。與此同時，我的窩夫漏單，等了30分鐘後才製作。對"女老闆"的管理感到驚訝，同時令原本週末想放鬆的我們感受到那份上班的壓力，令我們不想再回來。