老鍋台式火鍋 (京都廣場) (已結業)

今日過咗嚟銅鑼灣，又嚟食呢間老鍋台式火鍋好吸引，見到個美人鍋好正咁，冇理由唔試試佢☺️美人鍋湯底勁有質素，足料都癲，成隻烏雞分咗一半係到連埋藥材係到煲，啖湯好濃好好飲，未食其他已經覺得今餐超正❤️火鍋料方面叫咗精選牛肩肉，雪花分布均勻，切片厚薄又夠適中，咬落去肉味濃😋魚皮餃、墨魚丸都同樣好味，皮薄餡靚，墨魚丸又夠彈牙😚海蝦又夠新鮮；蔬菜雜菌拼盤款式多樣，有菇有菜，夠晒健康☺️今次佢仲出咗新品—霧之戀台式冷麵，呢個都好有質素，冷麵軟滑，連埋滿滿的蟹籽、青瓜絲同紅蘿蔔絲，配埋冷麵汁，口感豐富，爽口十足👍🏻飲品方面叫咗冬瓜菜，甜甜嘅冬瓜香好正，中和咗火鍋嘅濃味，而且冰冰涼涼，啱晒夏天飲🤩餐廳卡位分隔照舊安排得好好，令次仲有virtual天燈玩，放咗個「撈乜都掂」嘅天燈，有得玩又有得食，真心不得了🥰