汀汀烤活魚 (已結業)

係一條細小既巷入面，有一間非常美味的食店，朋友介紹話呢間食烤魚好夠味，所以要黎試下，因為本人很喜愛食魚，所以對食魚都好有要求，我揀左條最基本既烤魽魚試下先，辣度揀要中香辣，一條足夠4人份量，辣汁非常香，但不似麻辣般貢鼻，配菜亦非常之足料，有豆卜，豬皮，芹菜，牙菜，蘿蔔，慢慢地用火煮住，魚身應該先係烤好左放入鍋上加入香汁配菜，所以魚身係皮脆肉滑，而且非常鮮味，就算一直煮住都一樣咁美味嫩口，真係好正，之後再入配料食火鍋都一樣咁正，特別要介紹係田雞，呢個時候既田雞真係好肥美鮮甜，啖啖肉又夠新鮮，其他火鍋料亦非常新鮮美味，例如蝦滑，墨魚滑都好正，所以要推介下比朋友，呢間好野