紅葉茶屋 (海之戀商場)

营业中

休息中

之前同老窦喺附近嘅日式餐廳食晚餐，覺得食物食材新鮮好味，非常推薦大家去試嚇。荃灣呢間紅葉茶屋，日本菜色都幾正宗，然後口味都中咗老爹嘅喜好，最緊要係價錢公道，環境又好。我哋叫嘅係鯖魚定食，鯖魚燒得恰到好處，甜美嘅魚肉仲伴有油香味，肉質緊緻，非常惹味。老窦話呢度嘅鯖魚處理得好好，完全冇腥味，好味到不得了。我自己就試咗生薑豚肉。呢度嘅豚肉唔會有太重嘅薑味，而且食落去甜甜地，好討喜，醬汁都好香，配飯一齊食，簡直係完美。另外我哋都叫咗小食。雞翼炸得金黃酥脆，肉質肥美多汁，一口落去，好juicy！加上明太子做調味，雞翼食落去更加香！比起雞翼，老窦話呢盤海鮮炸物更加深得佢心。海鮮有蝦子、蠔肉同豆腐魚餅。每一樣食材新鮮無比，炸得酥脆，每一口都充滿鮮味！老窦對呢間餐廳嘅食物評價好高，下次仲會再嚟！