西關老祖 (文苑樓) (已結業)

一向喜歡食傳統蘿蔔糕，其實唔使等新年先食，最近見到Foodie朋友介紹，被那陶瓷盤吸引到，好奇之下訂左一盤試試。佐敦行完永安，沿住西貢街行到渡船街過咗馬路就差唔多到，比想像中易搵。老祖秘傳嘅瑶柱蘿蔔糕(法式陶瓷盤裝) $168，淨重850克，連埋陶瓷盤，大約有1.5KG，幾有份量的。蘿蔔糕面已經見到有瑤柱、蝦米，另外當然有主角白蘿蔔，同埋臘肉、臘腸。糕身約厚一吋，切成條狀，方便易煎，臘肉及臘腸嘅香味較突出，點少少XO醬就更惹味了！