富聲魚翅海鮮酒家 (已結業)

父親節前夕出去飲茶， 去咗好幾間酒樓都冇位，原本諗住去浙江軒但食咗好多次，所以最後諗住試吓富聲，一打開門裝修就比較老派不適宜網紅打卡，但勝在座位坐得舒服清靜，茶葉都OK，叫咗點心之後等咗好耐，最後問經理先知道原來所有點心即叫即蒸，保證新鮮！點心紙亦都會定期更換保持新鮮感！食物方面：酥皮叉燒包必食，蝦餃好好食，魚翅餃係近來少見嘅點心，糯米雞做得對板唔會散開，最有驚喜係素菜包不過冇影相。 甜品相當好食，整體服務都唔錯我由12點坐到大概兩點都差唔多滿座，但唔需要等位。回頭率同推薦率極高如果你唔介意裝修