影片
更多
2016-07-03
1578 浏览
柏寧酒店迎來了最新的自助餐餐廳<<PLAYT>> , 地點是以前CAFE ONE 的位置，亦即係宜家傢俬樓下，地理位置十分就腳。最新的<<PLAYT>>是走年青時尚風格，無論門面及店內裝修都別樹一格，感覺與一般酒店自助餐餐廳完全不一樣，就似走進一間藝術館，一邊品嚐美食，一邊滿足視覺上的享受。店內佈局亦相當細心，仔細地將不同食物分區分類， 包括中菜、西菜、壽司刺身、海鮮、沙律及甜品，令客人十分容易就能找到自己喜愛的菜式。至於食物方面雖然種類不算多，但有好多特別的菜式，有新鮮感。中菜非常有特色，就似燒臘鋪一樣將一隻隻乳鴿同雞掛起。菜式除了有不同的熱熟食、雞及燒肉，仲有茶燻乳鴿及中式點心(蝦餃燒賣牛肉球珍珠雞.....)，旁邊還有一壺壺的燉湯；西菜最吸引的有龍蝦西班牙海鮮飯、西班牙烤乳豬及牛肋骨；旁邊有印度小區，有不同咖喱及烤餅；值得一提的係烤肉旁邊提供了多達十款的調味料，食客就可以自己調配出不同的口味。海鮮除了基本的藍青口、蝦、蟹腳， 仲有即開活生蠔。另外還有凍龍蝦及面包蟹。鐘意食蟹膏的朋友仲可以向職員要求蟹蓋！！！壽司刺身刺
店內佈局亦相當細心，仔細地將不同食物分區分類， 包括中菜、西菜、壽司刺身、海鮮、沙律及甜品，令客人十分容易就能找到自己喜愛的菜式。
至於食物方面雖然種類不算多，但有好多特別的菜式，有新鮮感。中菜非常有特色，就似燒臘鋪一樣將一隻隻乳鴿同雞掛起。菜式除了有不同的熱熟食、雞及燒肉，仲有茶燻乳鴿及中式點心(蝦餃燒賣牛肉球珍珠雞.....)，旁邊還有一壺壺的燉湯；
西菜最吸引的有龍蝦西班牙海鮮飯、西班牙烤乳豬及牛肋骨；旁邊有印度小區，有不同咖喱及烤餅；值得一提的係烤肉旁邊提供了多達十款的調味料，食客就可以自己調配出不同的口味。
海鮮除了基本的藍青口、蝦、蟹腳， 仲有即開活生蠔。另外還有凍龍蝦及面包蟹。鐘意食蟹膏的朋友仲可以向職員要求蟹蓋！！！
壽司刺身刺身有八款：八爪魚，希靈魚，鯛魚，三文魚，吞拿魚，油甘魚，甜蝦及帶子，款式十分多， 壽司賣相精緻討好，感覺絕不嬉場。
甜品有十多款蛋糕及巨形朱古力噴泉， 每款蛋糕都十分精緻令人花多眼亂。最特別係有六款不同口味的自家制雪糕，包括有火龍果，茅台，楊枝甘露，雲呢嗱朱古力豆，鵝肝醉酒櫻桃及桑莓芝士餅。
蝦餃燒賣，用料十足，絕對不比點心店的輸蝕。
茶燻乳鴿，皮脆肉嫩，有水準。
冬菇花膠燉雞腳湯，真材實料用料十足的老火靚湯，必試。
西班牙乳豬，外皮鬆化，肉質極之嫩滑，可以用入口即溶來形容！配上蘋果醬美味之極！本身呢款菜式都很少見，所以一定要試！
即開活生蠔，真係見到隻生蠔郁的，咁新鮮的生蠔無乜自助餐餐廳有得食架！生蠔有美國同紐西蘭兩款。
凍龍蝦，每邊都有手掌咁大隻，肉質爽口而且有蝦膏。
蟹蓋，蟹膏滿瀉，喜歡蟹膏的朋友必定不錯過！記得要問職員先有~
咖喱及牛肉串，咖喱味道十分正式，由正宗印度師傅烹調。另推介牛肉串，外貌普通，但有著濃厚的孜然味，而且肉質夠腍，十分野味。
自家制雪糕，六款口味特別鐘情於茅台，強烈的酒香味十分出色，濃而不苦， 十分易入口，一試難忘， 吾飲酒的朋友都可以一試。另外火龍果味亦相當特別，感覺十分清新就如食緊真正的火龍果，但又有軟滑的口感。總結：雖然食物種類吾算多， 但正所謂貴精不貴多，<<PLAYT>>的食物質素相當高，而且有獨特的菜式，十分有驚喜。特別係自家制雪糕，只此一家，出邊食吾到，另外烤乳豬亦一記難忘，所以<<PLAYT>>誠意推介。
张贴
