百樂潮州酒樓 (已結業)

星期一老爺生日，本身奶奶想舉家到鴻星慶祝，沒想到有人在鴻星擺酒，所以轉到百樂潮州晚餐~~~其實由新開張到依家接近半年，我們間中會在這裡晚餐，通常都係我負責簽卡，老公銀行過數俾返我，因為我想儲飛行里數(^_-)百樂潮州酒樓係米芝蓮食肆，食物當然有質素，只是價錢比較貴，所以奶奶唔敢叫太多或太貴的食物~~~而我每次到這裡喜歡吃煎蠔仔餅，因為呢度煎得幾好食又唔算咸~~~金銀蛋浸時菜係我比較喜歡的，始終食菜對身體好蒸魚感覺健康和好味~~~梅菜扣肉唔太咸，突然好懷念我媽媽煮的味道開位和埋單時都有特別的茶奉上。我們叫了五碗飯，六個茶位，加一後共$821埋單。除了儲到400里飛行里數外，更可以獲得商場推廣優惠券。之前去完曼谷的晚上光顧鴻星換到pizza express午餐券，今次換到安南午餐券，平日在yoho mall用餐真係抵，不過推廣期有限，下個月我要返全職一個月，要好好珍惜最後一星期的閒日午餐時間去享受午餐券~~~