八王子居酒屋 (已結業)

第一次寫食評請多多指教。昨晚剛剛和男友同另外一對couple試過八王子，所以学人寫吓comment！啲男仔話好少食酒肴，所以試吓叫咗雜錦土佐醩物，吞拿魚絆山芋同安康魚肝都好有新鮮感覺得好地道。串燒最掂係牛舌同鵝肝，燒得有南蠻亭嘅水準。不過雞皮同雞肝就dry得濟，須要改善。我覺得佢哋魚生壽司做得新鮮顏色有光澤份量亦唔孤寒，我哋分別食咗特上壽司同竹剌身。收費亦尚算合理，因為雖然好多迴轉都做得好平，但同男友都覺得就算去啲大宝号迴轉食都試過好多次係一係啲飯就揸到死實實，一係啲魚嘅顏色就黑沈沈或者係好凍好凍好似未解凍同放咗好耐咁！仲有一個現象我嗰晚都見到有兩三檯日本客同有日本侍應招乎，好相信呢間食店都做得不錯先有日本客捧場。服務同環境都唔錯，連厠所都好乾淨。所以決定下次老死生曰都booked返呢度食。