影片
更多
2010-06-16
14 浏览
15-6-2010喺食友的 blog 見到呢度供應一款叫「米苔目」的食物, 幾有興趣, 是日 dinner 要自己搞掂, 又過嚟試試. 一個人 9:00pm 嚟到, 都要等一陣先入得去, 不過店員們勁有禮貌又快手快腳, 好快就「攝」到位了.店方先送上一碟「沙茶紅蘿蔔」做 welcoming 小食: 沙茶醬油油的, 味道香濃, 紅蘿蔔就屬脆身, 但又脆得有點硬 不過作為免費小食, 無投訴了.「米苔目」($18): 未聽過更未食過, 上 wiki 睇先知原來即係「銀針粉」? 但我呢碗的十分幼身, 賣相似透明米粉多 d... 質地無預期中咁 Q, 而且好有一夾即斷的 tendency, 不過食落米香強勁, 好喜歡呢 配料以肉燥及乾洋蔥碎 (?) 為主, 湯底就係豬肉湯? 兩者其實味道一般, 不過 d 粉實在幾好食, 可以一試的.「蝦捲」(好似 $28): 用腐皮捲住蝦膠, 椰菜 (?), 粉絲 etc 的餡料再炸, 腐皮薄脆熱辣「響鈴」一樣, 餡料帶鮮蝦味, 夠晒真材實料, 蘸點泰式雞醬 (?) 更惹味, 不過炸得好油又有點濕, 可以更好的.「荔枝烏龍」(好似 $14)
喺食友的 blog 見到呢度供應一款叫「米苔目」的食物, 幾有興趣, 是日 dinner 要自己搞掂, 又過嚟試試. 一個人 9:00pm 嚟到, 都要等一陣先入得去, 不過店員們勁有禮貌又快手快腳, 好快就「攝」到位了.
店方先送上一碟「沙茶紅蘿蔔」做 welcoming 小食: 沙茶醬油油的, 味道香濃, 紅蘿蔔就屬脆身, 但又脆得有點硬 不過作為免費小食, 無投訴了.
「米苔目」($18): 未聽過更未食過, 上 wiki 睇先知原來即係「銀針粉」? 但我呢碗的十分幼身, 賣相似透明米粉多 d... 質地無預期中咁 Q, 而且好有一夾即斷的 tendency, 不過食落米香強勁, 好喜歡呢 配料以肉燥及乾洋蔥碎 (?) 為主, 湯底就係豬肉湯? 兩者其實味道一般, 不過 d 粉實在幾好食, 可以一試的.
「蝦捲」(好似 $28): 用腐皮捲住蝦膠, 椰菜 (?), 粉絲 etc 的餡料再炸, 腐皮薄脆熱辣「響鈴」一樣, 餡料帶鮮蝦味, 夠晒真材實料, 蘸點泰式雞醬 (?) 更惹味, 不過炸得好油又有點濕, 可以更好的.
「荔枝烏龍」(好似 $14): 呢個夠晒凍, 但味道「茶精」feel 得很, 雖然唔太甜又唔算難飲, 但好明顯我叫錯嘢了...
小店環境乾淨企理, 招呼就好得無嘢講, 店員們有禮貌到又 nice 到呢 , 感覺係幾有心的小店.
連加一 (無錯, 堂食要收加一的) $66 埋單, 下次嚟會食魯肉飯, 冰鎮鴨舌, 鹵大腸... etc etc.
张贴
