顯徑車仔麵 (已結業)

星期六的下午, 去了個friend位於大圍的屋企玩, 我們打機打到天昏地暗, 待大家都饑腸轆轆時才發覺大家午飯都還未食, 已是下午四五點鐘, 於是大家齊齊落街去搵食, 行出街口, 見到對面村屋有間車仔麵檔, 車仔麵選擇多, 一定有款餸啱你口味, 於是大家齊齊行去車仔麵檔.入到舖內, 店舖細細卻是干淨整潔, 我們迅速落了order, 我就叫了瑞士雞翼, 豬扒及韭菜餃, 麵底叫了油麵, 店家收到order即煮, 數分鐘後, 我個大大碗的車仔麵來到我面前, 仲送了杯豆漿, 瑞士雞翼好入味, 甜甜地, 好好食, 油麵軟硬適中, 店家淋了些腩汁在碗麵中,油麵煮咗的腩汁, 都非常好食, 韭菜餃大大隻, 咬一啖, 哇! 韭菜香扑鼻, 食一口簡直會欲罷不能, 我一口氣食晒兩隻韭菜餃, 太好味了. 豬扒是炸了之後再切件放在碗中的, 三餸一麵才$35元, 仲有杯豆漿, 真的是超值, 車仔麵來講, 這間的味道真的唔錯, 價錢仲吸引! 真的是平, 靚, 正!