老川皇

营业中

休息中

有朋友一向都喜歡食辣野，問起推介就係我推介了2樓的老川皇，原來地下都有一間總店，應該係人客太多所以開埋樓上店。上到去環境唔錯，冷氣開放，食物品種多元化，有辣有唔辣。宮爆蝦仁＄78裏面比較多辣椒，不過係大大隻嗰啲蕉，所以唔會太辣，每一隻蝦仁都好細小，經過處理比較爽口，另外有好多花生炸過非常香，不過就有少少本末倒置。XD蔥爆牛肉＄70牛肉方面鬆軟之餘又唔係鬆肉粉嗰種質感，食落仲有少少似「鴕鳥肉」。最主要就係隔離啲大蔥都一樣可以食，爆得超香，我哋最尾全部食晒。楊州炒飯＄56叫個白飯都要十元八塊，不如直接叫個楊州炒飯。炒飯裏面內容唔算豐富，主要係腸仔同埋蔥花等等，但係炒得顏色均勻，味道幾香。本身唔提供清水，可以額外開茶位或者叫飲品，有一啲好健康嘅飲品例如鮮榨果汁，同埋啤酒或者大酒其實都唔貴！餐牌選擇豐富。