老川皇

营业中

休息中

喺旺角行完街，啱啱好係食飯時間。今晚心情好，想食啲重口味少少嘅嘢，就食四川嘢啦。喺登打士街／砵蘭街交界，歐美廣場上樓梯就係，勁方便。呢度氣氛好熱鬧，適合同朋友喺爐邊飲啤酒吹水。大支藍妹$29好抵飲。先來冷盤，川北凉粉。份量都幾多，兩個人食夾極都有。辣度就我個人嚟講啱啱好。手抓餅，外脆內軟，點埋醬食夠滋味。干煸四季豆，炒得好好味，夠晒香同少少辣。重頭戲係呢個胡椒豬肚雞！幾多料呀，啲雞肉都夠嫩。如果唔食得辣唔想叫水煮，係非常推介叫一鍋呢個開心下！成餐食得幾happy，多的朋友一齊食更佳。