Ann MaMa Thai Restaurant

营业中

休息中

食物質素好一般，職員態度離哂譜叫咗個2人套餐，小食揀咗牛肩肉7:50 order, 其他菜正常時間上哂食哂但份牛肩肉都未嚟中段有個短頭髮嘅阿姐侍應話份牛切緊然後我哋再等多10分鐘都仲未出終於8:30有份牛出咗個短頭髮阿姐見我哋張枱清哂仲等緊就問份牛係咪未到，答佢話未到，佢就上份牛比我哋準備夾嚟食嘅時候，個阿姐突然行過嚟話「之前唔係已經上咗一份比你哋啦咩？你哋唔係已經食咗份啦咩？」我哋話你啱啱仲話切緊份牛，你唔信咪睇番啲相，睇番cctv有無上過。然後佢就好敷衍咁答「咁你哋食囉」衣家算咩態度？覺得我哋呃你份牛嚟食？無諗過食餐飯都會比侍應老屈，食個飯使唔使呃你呀？我坐喺度等咗咁耐都冇催過你哋廚房等咗50分鐘，食哂其他嘢先上份牛，你衣家反而調番轉頭屈我哋想食兩份？啲食物質素一般，侍應仲要老屈顧客，簡直離哂譜啲牛出咗幾多份廚房最清楚，點可能問番個客係咪上咗兩份，仲要個態度咁差，好好地食餐飯都要受氣。