金滿膳燒味餐室 (已結業)

放假同呀女返屋企探呀媽，又可以比個孫女同呀媽玩下，開心下。到左午飯時間，呀女又玩到肚餓，我地都係時候食飯。呀媽話開左間新茶餐廳，去食叉燒飯，叉燒飯呀媽媽食得，呀女又食得，咁就去試下啦。餐廳位於牛頭角，叫做＂金滿膳＂入面乾淨企理，好光猛，好多人嚟食野，應該唔驚有伏的。我地就真係淨係叫左2碟叉燒飯 凍奶茶，叫3碟我地又食唔曬，2碟就剛剛好。叉燒甜甜地又冇骨好適合老人家同小朋友食，驚呀媽膽固醇高，叫師傅比瘦D叉燒。上碟見飯份量真係女好多，好彩叫2碟咋！叉燒都好多呢！有D菜，唔錯！叉燒好諗好入味👍加埋豉油撈飯，好惹味。囡囡都話好好味！凍奶茶個茶底都好香下，奶又滑，正！