滿屋日本料理 (大鴻輝(荃灣)中心) (已結業)

約朋友食飯，大家要我決定位置同食乜，我公司係荃灣，我一定揀返荃灣區啦，日式放題當然亦係我喜歡的，多種類又要怕大食朋友食哂D野，大鴻輝唔只一間放題，位於10樓的滿屋無試過，所以揀左佢，一早訂定位，到步唔駛等，即時可入坐，門口那位短髮姐姐好有禮貌，面帶笑容，即時已經對店舖加分，店舖設有自助區，有海鮮Bar, 沙律、前菜Bar，中湯，糖水，比較特別就係其他放題少有的幾款熱葷，唔想食太多生冷食物的長者朋友就多了其他選擇，刺生種類多，三文魚厚切肥美，仲有帶子，赤貝，螺，鮑片，蝦等等，全部都新鮮好味，芝麻雞翼皮脆肉滑，仲有好味的羊鞍，串燒牛舌，串燒豬腩肉，雞軟骨，鍋物大大鍋又足料，除一般飲品，仲有Hoegaarden，10數款甜品，雪條任食，三款貴價雪糕每人可自選一杯，場內仲有棉花糖機同爆谷機，好受小朋友歡迎。