新潮軒 (已結業)

3-12-2008知道呢度係生記開出來的, 趁今日0係附近 dinner 0黎試試. 兩個人食唔得多, 加上要留肚飲甜0野 / 食甜品 , 只叫了一碟鹵水鵝肉併鵝肝及一碟玉蘭菜甫炒飯 share 食.先0黎鹵水鵝肉併鵝肝 (阿姐堅持呢碟叫「鵝肉併珍肝」, 真係...), 賣相樣衰, 鹵水汁俾得好少, 見到心已涼了一截, 食味更 xyz -- 聞唔到鹵水應有的香味之餘, 食落味道淡得很; 鵝肉太瘦, 又乾又0鞋口, 難吃; 亦因為鹵水唔掂, 鵝肝更不濟, 食落粉粉硬硬, 帶苦澀味, 仲勁多沙 (!?!?), 啖啖「霹霹啪啪」, 感覺好差. 呢 d 就係老字號的出品? 碟鹵水好難食喎!可能因為鹵水0野太太太太太唔掂, 炒飯相對之下就較好, 炒得乾身無油, 不過菜甫落得太少, 味道淡出個鳥來, 食白飯一樣, 仍然 far from 及格.同西環/紅磡鹵味店唔同, 呢度環境係茶記格局, 乾淨光猛又企理; 招呼亦係(無誠意)茶記式招呼, 阿姐態度要幾散漫有幾散漫.每人約 $65, 唔貴, 但食物咁 x 樣, 唔會再幫襯!