點心款式多達40款，另外亦有超值套餐和點心套餐可以選擇，價錢公道。
七色燒賣
平時只係食蟹籽燒賣，蟹籽燒賣食得多，但第一次見七色燒賣，七色燒賣有7款不同顏色，7款不同味道，燒賣味道有黑松露、芥辣、麻辣、芫茜、粟米、蟹籽、菠菜，每粒都餡料扎實，味道都好突出，估唔到芥辣和麻辣的味道都好夾，依七色燒賣真係好特別。
糯米雞
估唔到都幾大隻，糯米飯中包著豐富的餡料，蒸過之後荷葉的清香完全融入米飯及材料中。
皮薄蝦餃
每次都會必食，入面大大粒蝦肉，爽口彈牙，皮夠薄
蜂蜜黑糖糕
口感煙韌，不會太甜
鹹魚肉餅飯
用錫紙兜裝住，拎到返屋企仲係暖暖地，鹹魚肉餅飯，肉餅夠厚身，非常鹹香，飯的份量夠多，撈埋豉油一齊食，非常滋味
