公和荳品廠 (已結業)

駕車經過就試一試它的豆腐花。堂食後同行亦即叫了外賣直接回家俾我的母親大人一試。<豆腐花>冷熱各一碗，先食熱再食凍，因為習慣鍾意熱食，直至覺得熱食不好食再試食同行凍食那碗又唔係咁講法。***凍熱我都冇用黃糖，就咁食我都覺夠甜***熱食觀感：原本外表看來白雪雪、震騰騰已急不及待擘大口要食...外表看就以為滑一滑，但食落口並唔係所想像中咁樣。入口頗鞋；豆味？睇怕都被石膏味遮晒；質感較實或較硬，有點像魚膠啫喱。凍食觀感：熱食缺點通通忽然消失，還要變得有豆味兼嫰滑。同行的外賣俾mum試食後我們三人觀感一致，就係因為mum自己都怕食唔晒就預先bud定一半落雪櫃，食到中途覺自己仲有quota就食埋雪櫃那一半而有同感。<淨豆腐>有酸味，入口質感又嫰滑過熱豆腐花，但又不比魚肉豆腐好。<煎釀豆腐>口感亦一樣嫰滑過熱豆腐花，魚肉亦不腥，只係味精明顯了少許。食後感：熱食來講義香稍為合我心意，即使怎樣熱煮或撈味噌食都一樣嫰滑有豆味，石膏味亦不明顯。相反公和熱食就稍為遜色，不然食落口...對不起，我覺得同一般坊間隨意找一間食沒有分別。