金鳳大餐廳 (中染大廈(8咪半))

营业中

休息中

近排轉咗新工，夜晚就響荃灣呢度週圍揾食。今晚想食牛扒，咁就不如食老字號牛扒啦!時間尚早，餐廳都唔算話好多人，等咗一陣間就有位，坐位ok，都坐得舒服，我就叫咗個港式西冷牛扒套餐，有湯有餐包有飲品，全包宴。加$2元可以有蒜蓉更加好味道!再配埋黑椒或蒜蓉汁2選1，見到都口水流呀!好快先上餐湯(有羅宋或忌廉湯)及餐飽…湯夠熱，飽仲暖好夾!等咗一陣牛扒就跟鐵板上可保持溫度，再淋埋我最愛嘅黑椒汁，再配上蒜蓉簡直係完美配搭!牛扒我點七成熟，肉質好淋唔會韌。配菜仲有薯條跟翠玉瓜，牛扒份量都唔少!今餐很豐富又滿足，再叫柸凍檸茶可以幫助消化。