源記甜品專家 (已結業)

女朋友每餐都食一啖，但又要食好多餐。明明頭先先同佢食完西班牙野，轉個頭行返去正街佢又話要食甜品，所以我哋就去咗源記。以前星期六晚經過都一定要排隊先有得食，而且仲有好多人泊咗車喺門口買外賣。不過呢晚可能Weekday啦，加上疫情關係，所以冇乜人食。我哋叫咗桑寄生雙蛋茶同埋香滑燉雞蛋，兩樣都好好食。我敢講佢嘅桑寄生茶係全香港最好食的，糖水勁濃郁，而且煲到勁清。雞蛋就醃到超入味，入面完全係啡色的。不過就甜左少少。至於香滑燉雞蛋亦都好高質，因為口感勁滑，味道清甜得來又有啲薑味，正呀。食親呢度嘅甜品，我女朋友就唔止食一啖喇哈哈😘。