銀杏館 (已結業)

在現今女士們大哂的世界中, 吃什麼已九成落入家中女王的權力當中, 即使你再用力掙扎, 再用力反抗, 不平等條約總會落在身上...咳咳...回到主題, 講真, 銀杏館絕對聽過很多次, 用的是高級廚, 食物絕對有保証, 所以...這次我決定跟埋老婆一起來, 結果就做成今次老婆大人揸筆寫食評...難得飯聚, 一行10人約左成個月先約得齊, 黎到呢間由老人家做侍應中菜小廚, 門口仲賣埋有機菜, 聽侍應講, 係佢地自家農場出品, 仲叫我地上網睇下添.人多叫小菜唔易分, 結果決定食個套餐, 一於一邊食一邊傾偈.個拼盆一黎大家都嘩一聲, 份量不錯, 碎豬手皮脆爽口, 好好味, 牛腱好入味, 侍應話係四川鹵水牛腱, 唔同台式果款得個甜字.食食下, 見到佢地有豬腳薑, 幾個女人好似發現新大陸咁, 即刻叫個黎試下, 薑夠老又唔算辣, 豬腳又夠晒軟滑, 醋用黎拌飯都得, 唔錯唔錯!沙薑雞好正, 又滑又香, 可惜唔記得影相啦!燉湯足料清甜, 好味.老師傅炒飯好正, 都未送到枱, 已經聞到香噴噴, 炒得乾身, 又多料.甜品有壽包同埋紅豆糕, 剛好, 唔會太甜, 好吃! 食物不錯, 侍應們幾友善又好好笑容.要帶阿