影片
更多
2019-03-25
633 浏览
一直知道朋友好鍾意老夫子，聽聞九龍灣果面開左間老夫子餐廳，今日終於夾到佢試下新餐廳啦！餐廳整體裝飾以老夫子套衫「藍、黃、白、黑」做主調，同時間都配合左中國氣氛，例如燈籠、黃金既裝飾。以牆上都有一幅好大既老夫子藝術畫係度架！餐牌食物方面主要係以港式食物為主，粉麵飯任你揀！我同朋友叫左個二人套餐，總共$198，晚餐黎講都唔貴。係香港食飯好耐多數都係意粉、飯、薯菜或者米線，真係好耐都未食過米粉，仲要係咁港式既雞湯米粉添！忍唔住叫左碗，但朋友因為太肚餓就諗住食飯，見到我碗米粉即刻好後悔～雞湯米粉顧名思義係用雞湯黎煮架啦，入面既材料仲有菜、白蘿蔔，成個湯底清清甜甜，好懷念啊！好快就上左碟燒味拼盤，包括紅腸、叉燒、燻蹄、海蜇，份量極多，我地兩個女仔真係勉強先食得哂！成碟燒味用左港式既燒汁去處理，甜甜地，送飯／米粉都好岩！而燻蹄平時我個人好少食，今日有幸可以食到，燻蹄既味道唔錯，加上微微既甜味，又有咬口。叉燒都好值得一讚，肉上帶有少少肥肉，增添左佢既味道，亦都對女仔黎講岩岩好～到左下一碟，蔥油肥雞半隻，呢一碟真係「真人靚過上鏡」，呢碟肥雞仲靚過餐牌上面果碟！原本預左好少雞肉，點知上到黎同拼盤一樣咁大
一直知道朋友好鍾意老夫子，聽聞九龍灣果面開左間老夫子餐廳，今日終於夾到佢試下新餐廳啦！
餐廳整體裝飾以老夫子套衫「藍、黃、白、黑」做主調，
同時間都配合左中國氣氛，例如燈籠、黃金既裝飾。以牆上都有一幅好大既老夫子藝術畫係度架！
餐牌
食物方面主要係以港式食物為主，粉麵飯任你揀！
我同朋友叫左個二人套餐，總共$198，晚餐黎講都唔貴。
係香港食飯好耐多數都係意粉、飯、薯菜或者米線，真係好耐都未食過米粉，仲要係咁港式既雞湯米粉添！忍唔住叫左碗，但朋友因為太肚餓就諗住食飯，見到我碗米粉即刻好後悔～
雞湯米粉顧名思義係用雞湯黎煮架啦，入面既材料仲有菜、白蘿蔔，成個湯底清清甜甜，好懷念啊！
好快就上左碟燒味拼盤，包括紅腸、叉燒、燻蹄、海蜇，份量極多，我地兩個女仔真係勉強先食得哂！成碟燒味用左港式既燒汁去處理，甜甜地，送飯／米粉都好岩！而燻蹄平時我個人好少食，今日有幸可以食到，燻蹄既味道唔錯，加上微微既甜味，又有咬口。叉燒都好值得一讚，肉上帶有少少肥肉，增添左佢既味道，亦都對女仔黎講岩岩好～
到左下一碟，蔥油肥雞半隻，呢一碟真係「真人靚過上鏡」，呢碟肥雞仲靚過餐牌上面果碟！原本預左好少雞肉，點知上到黎同拼盤一樣咁大碟，我地兩個女仔食完飽到郁唔到！講返雞肉先，蔥油味好香濃，相信對於調味做左唔少功夫，而雞肉好嫩滑，肉對比骨既份量都十分多，所以今次既食飯真係一個大享受。
最後仲有一碟上湯浸時蔬—娃娃菜，湯都係雞湯黎，成碟菜清清甜甜。
去食港式餐廳既食物，又點少得叫奶茶！奶茶茶味好香濃！
臨走啦～朋友好唔捨得，仲要不斷影相先肯走！
张贴
