老街 (西洋菜南街) (已結業)

香港有好多台灣餐廳 但又要平 又要抵食 足料既餐廳 可以試下呢間位於太子 魚街附近既台灣餐廳 星期六下午 餐廳叫老街 被餐廳入面既裝修佈置吸引 配合老台灣既設計 有種老台灣風味牆上貼滿好多唔同大小既懷舊海報同裝飾餐廳未坐滿客人 唔洗等位就入得 店員安排了我地坐二人位 對外街既吧枱 自成一格睇到老街餐牌 分為風味小吃 肉燥湯麵拌麵 飯類 招牌牛肉麵 麻辣麵 台式小菜和台式特飲 款式算幾多 而且價錢合理 於是我揀左招牌牛肉麵 係香港要搵一碗好食既牛肉麵唔易 首先味道好重牛肉湯味 牛肉炆煮夠耐 入口即熔另外叫肉燥飯 味道唔錯 由豬肉切粒配上醬油一齊煮 唔鹹味道剛剛好