肚餓了串燒烤焗專門店 (已結業)

昨晚放左工約左班朋友仔去尖沙咀食飯，前一日係網上搵定有咩好食。因為平時班fd食野好咀雕，西餐日本野都食厭哂...見到依間餐廳個名甘得意叫 肚餓了 Hungry Bird，禁入去睇下，原來係串燒烤焗專門店, 見到評語唔錯又多款式..就決定黎試下。一到去餐廳環境唔算大,一眼看哂。 坐位都屬於高椅，好岩飲啤酒既氣氛。好彩前一日有訂定枱,因為都幾Full。每一枱嘅人都棒住啤洒杯食住串燒,認真Chill。我同朋友點左西瓜果味ge手工啤，飲起上嚟都幾特別, 清新ge果香突出啤酒花香氣。另一位朋友唔飲酒既，就叫左罐裝茶。<<燒韭菜 >>燒韭菜是每次必點，雖然韭菜掃上一層油，外身比較油，但燶燶地，好好味，口感鲜香爽口！ <<肉汁香燒餃子雞翼>>本人超級推介就係肉汁香燒餃子雞翼，雞翼烤至焦糖色，表皮還塗了一層油亮的醬汁，雞翼內包住明太子，一咬開D汁就噴出黎，個汁感覺是微微微辣，正!<<鹽燒厚切牛舌>>牛舌是厚切，較平時食的厚很多，而口感亦較好，咬下去就似食牛柳粒，爽口有嚼，強卻不韌，令人食指大動，絕對要一試。