小甜谷 (已結業)

今日難得呀豬大少放假，就陪佢晚飯再直落食反個甜品先！得知尖沙咀開了小甜谷，食評不錯，終於有機會品嚐下由於晚飯時間，都要排隊等一陣！裏面裝修以白色及藍色為主，地方較細有少少逼。打開menu除了有中式及西式甜品外，亦有谷媽媽少量既小食！我地叫了楊枝甘露亮晶晶及芒果奶凍楊枝甘露亮晶晶既賣相唔算特別，不過見到佢配料中既西柚係續粒續粒人手搣開，另外佢擺得好整齊，唔會好似一推配料放埋一齊就算！味道方便有好香既芒果味，好鮮甜！另外配上珍珠粒及涼粉，整個甜品都好爽又好清甜！大讚作品呀而芒果奶凍就有啲似芒果布丁既感覺，中間有啲芒果肉同樣好味！今次只試了兩款甜品，下次會再光顧試下酥卷同榴槤產品！