蘇媽.蘇媽馬來西亞茶餐室 (已結業)

今次我哋揀咗主打馬來西亞菜嘅蘇媽.蘇媽 @semuasemuahkg，入到去無論裝修、攞設和碗筷都充斥住以前舊南洋風格，幾特別！檳城福建蝦麵 ($62)：食湯麵嘅湯底係十分重要。依個蝦湯底係飲得出用真材實料煲嘅，而唔係味精，食落鮮甜，充滿蝦油和椰香。麵條掛湯，爽口彈牙，連舖面嘅炸蒜一齊一啖送入口，滋味無窮，重口味嘅朋友可以一試🤤砂鍋老鼠粉 ($88)：出面比較少食到嘅菜式，係蘇媽嘅招牌菜。一上枱嘅時候，店員溫馨提示話個煲好熱，炸炸聲，叫我哋小心😂仲提醒我哋要盡快撈勻啲餸同麵同隻蛋，可能係驚隻蛋會好快變熟喇😌入面嘅材料非常豐富，有蝦乾、炸蒜、豆卜、魚乾仔等，非常足料，撈埋嚟食，襯埋煙煙靭靭嘅老鼠粉，食落有驚喜又香噴噴，幾夾。個份量就真係好多，兩個女仔食嘅，可以考慮share👍🏻馬來黑叉燒 ($92)：真係可以用 “超邪惡😈” 黎形容依碟叉燒。叉燒入面嘅肥膏不得了，肥瘦分明，好香口。叉燒表面輕輕燒過，有少少燶，咬感先由表面嘅香脆再到肥瘦分明嘅肥膏和瘦肉，完全係一場極端口感之旅！鐘意食呢類口感嘅朋友一定要試，不過真係一塊起兩塊止啦，爆血管無得賠㗎😂椰香咖央多士 ($32)：果然係有比較就有傷