四季文昌 (已結業)

去到環境都覺得ok既,睇過餐牌後就搵個侍應首先落單,同佢講野佢好似未瞓醒咁下,話落單,佢再下左聲.都算！首先叫個蟹既海鮮凍盆,再加個椰子雞煲餐打邊爐.等左35分鐘後發覺一樣食物都未到就搵個侍應嚟問問喇,點知原來未入單.餓到爆心諗無搞錯,原來未瞓醒都唔止一位,再問第2個侍應終於凍盆喺45分鐘後送上.買相差到不得了,蟹send到入唔到口,蠔瘦到不得了但成個凍盆嚟講蠔已經係最ok既一樣.食食下老公先發現凍盆上小左板海膽,再問侍應.又一個未瞓醒既嚟完全無反應亦無幫我跟進就咁走左去.再搵個藍色衫既侍應先幫我跟返.真心火都嚟.椰子雞甜到落左好多糖咁.最後發覺好似無食過野落肚後加個煲仔飯,又等多40分鐘後再問侍應佢既回覆係,係要等45分鐘架.係會耐d.又算！結果等多8分鐘後送上.離遠都聞到燒焦味道,試左啖根本落唔到口,再搵侍應問,佢又話煲仔飯係咁架.結果奶奶都急唔住出聲話我地唔係第1次食煲仔飯,咁你都講得出,最後個侍應又喺係煲仔到炒左幾下大家都睇到飯焦已經唔止係焦,係全黑色架.佢先好意思同我地講話,係喎窿哂！好無奈,必定無下次.一餐慶祝生日飯就咁俾四季文昌搞砸了