龍門一番 上海·紫砂燉湯 (已結業)

今日去咗屯門市中心行街 無意中俾我發現時代廣場1樓嘅呢間龍門一番排曬長龍 於是就去試下好冇食啦呢間舖頭主打食上海嘢 入面嘅二人座位都幾擠迫 可能因為多人等位 而且裝修幾靚 兩個人就安排唔到卡位 不過睇落幾闊落首先叫咗一個醉雞 雞肉非常之嫩滑 雞皮都唔太肥膩 可以食埋 口感十分一流 而且花雕酒嘅味道完全滲入雞肉入面 好食好食之後就叫咗一個黑醋排骨 排骨本身比較多肥肉 但係黑醋嘅甜酸味正正中和咗呢種油膩感 食落十分清爽 係一個好好嘅配搭之後朋友叫多一個蔥爆羊肉 呢個羊肉十分之好食因為佢有羊肉味之餘又唔太蘇 啱曬我朋友呢啲食唔到蘇味嘅人跟住就叫咗一個小籠包 呢個小籠包皮薄而且多餡 入面嘅肉汁亦都十分之濃最後就叫多一個豆沙餅做甜品 呢個豆沙餅煎得唔係好油膩 而且豆沙餡嘅甜味正好為呢一餐畫上完美句號