嵐川日本串燒 (已結業)

因為第一次印象唔錯, 所以有第二次同牛小子兩個人又去食lunch, 今次叫既野都係差唔多:燒雞皮依然好正,鹹鹹香香一d油林林感覺都冇,必食燒雞軟骨夠乾身好咬口燒雞翼一般喇, 因為唔係好夠味燒鴨胸串差d,初頭黎見到有d血水,叫師傅再燒熟d,第二次拎黎既都仲係有d唔熟燒牛柳,第一次黎冇為意, 一放入口d質感咁得意既, 原來比錯左燒牛舌.........平生第一次食牛舌,因為佢加左d黑椒落去燒, 所以我都叫接受到,牛小子就耍手擰頭啦. 之後佢幫我地換番牛柳,而個牛舌就話請我地食. 呢個好抵讚, 因為有d餐廳一係就迫你要左佢, 一係就黑面收左你既.個牛柳都幾好~燒完之後都仲好多汁, 肉味就梗係冇上次個安格斯牛咁正喇, 不過平一半喎豬扒拉麵午餐, 呢個一上檯有d驚,因為塊豬扒好黑, 但係食落去又冇野喎, 仲要唔油添, 不過拉麵只係普通麵, ok 啦因為有個午餐, 之後有兩粒雪米滋埋單總共一百五十蚊到喇,午市冇加一,有d串燒係特價, 其實叫拭食,值得推介!