8鍋臭臭鍋 (金巴利道) (已結業)

今日係尖沙咀見完客，諗住打個邊爐，自己一個悶悶哋諗住食個一人鍋，就入咗呢間8鍋臭臭鍋入面試下啦！餐牌簡單，前後兩頁當中有個好處，就係佢嘅套餐已經幫你揀好曬所有配料、湯底，想食咩配菜多啲就點邊個餐，唔使煩要揀咩餸。 不過如果有部份配料想食多啲，都可以散叫，但就貴小小。「喜出望外」因為第一次食，就保險啲叫個招牌鍋，黎到之後我覺得佢都算幾豐富，大部分火鍋配料都有齊。火鍋面頭嗰啲係豚肉唔係牛肉，魚蛋、貢丸都有，又有金菇、娃娃菜做蔬菜部分。 不過要小心，我自己係唔太食內臟嘅，我見到餐牌有豬大腸就預先叫店員幫我走咗先啦！鍋入面有包埋蜆，但唔算太大隻。 一開始飲嘅湯係冇乜味，純粹係清湯。但食到差唔多最後再飲嘅時候，就會變得鮮甜左，應該係吸收哂配料既味道！「麟角鳳毛」點一款套餐可以送一份主食，我就加錢要左份魯肉飯。魯肉飯嘅醬汁煮得啱啱好，唔會太稀，而且魯肉肥瘦適中，撈埋個飯食岩岩好，好有台灣嘅風味！「恰到好處」飲品就叫咗一個芒果鮮奶沙冰，好解渴！而且唔會太甜，仲夠哂大杯，都算抵飲！