影片
更多
2022-02-22
57 浏览
近排公司實施在家工作嘅措施，所以多咗時間喺屋企煲劇～最近就重溫返當年好Hit嘅韓劇《來自星星的你》入面嘅女主角相信大家都記得係好鍾意食韓式炸雞嘅，睇到我都心癢癢好想去食返餐正嘅韓式炸雞！上網做啲research，發現咗呢間連鎖嘅韓式炸雞專門店，就嚟試一試佢位於觀塘嘅分店 try try～由於而家晚市冇堂食嘅關係，唯有局住食午餐啦。本來都擔心午市會唔會選擇比較少，但係點知比我發現原來佢嘅午餐選擇都好豐富、而且好抵食！講吓間餐廳嘅地點同環境先：餐廳位於APM嘅隔離，地鐵站過去非常方便。餐廳佔地面積都幾大，枱同枱之間好闊落、而且裝修好新潮，所以坐得都係好舒服嘅！一坐低，店員就好殷勤咁遞上餐牌，同埋介紹午市有啲咩食。平時去食韓國餐都好鍾意食嘅泡菜、炒粉絲，喺呢一度竟然係任食嘅，可以出去自己任拎！午市套餐選擇都幾多，除咗招牌嘅韓式炸雞之外，亦都有一啲傳統嘅韓式料理，例如人蔘雞湯、炒年糕等等。當日我同朋友兩個人見份餐牌咁多選擇，而且每一樣都好似好吸引，所以都頭痕咗一陣！淨係炸雞都有好多款呀！最後我哋就選擇左叫一道蜂蜜牛油炸雞、同埋鮑魚人蔘雞湯。炸雞係有得選擇去骨嘅，食起上嚟唔使lur骨，啖啖肉，幾
入面嘅女主角相信大家都記得係好鍾意食韓式炸雞嘅，睇到我都心癢癢好想去食返餐正嘅韓式炸雞！
上網做啲research，發現咗呢間連鎖嘅韓式炸雞專門店，就嚟試一試佢位於觀塘嘅分店 try try～
由於而家晚市冇堂食嘅關係，唯有局住食午餐啦。本來都擔心午市會唔會選擇比較少，但係點知比我發現原來佢嘅午餐選擇都好豐富、而且好抵食！
講吓間餐廳嘅地點同環境先：餐廳位於APM嘅隔離，地鐵站過去非常方便。餐廳佔地面積都幾大，枱同枱之間好闊落、而且裝修好新潮，所以坐得都係好舒服嘅！
一坐低，店員就好殷勤咁遞上餐牌，同埋介紹午市有啲咩食。平時去食韓國餐都好鍾意食嘅泡菜、炒粉絲，喺呢一度竟然係任食嘅，可以出去自己任拎！
午市套餐選擇都幾多，除咗招牌嘅韓式炸雞之外，亦都有一啲傳統嘅韓式料理，例如人蔘雞湯、炒年糕等等。當日我同朋友兩個人見份餐牌咁多選擇，而且每一樣都好似好吸引，所以都頭痕咗一陣！淨係炸雞都有好多款呀！
最後我哋就選擇左叫一道蜂蜜牛油炸雞、同埋鮑魚人蔘雞湯。
炸雞係有得選擇去骨嘅，食起上嚟唔使lur骨，啖啖肉，幾方便喎！果然係韓式炸雞專門店，佢嘅炸雞調味好好，而且雞肉可以炸到外脆內軟，令人一食上癮！已午市呢個價錢來講，份量都好夠，所以CP值非常高！
至於另一道鮑魚人蔘雞湯，店員攞上嚟嘅時候熱辣辣，好適合呢幾日咁凍嘅天氣食。鮑魚都好鮮甜，而且爽口彈牙～而雞髀吸曬湯底嘅人蔘味，非常之正！
總括來講，呢一餐韓式午餐好有驚喜，都幾期待下一次再嚟食！
张贴
