大家樂 (已搬遷) 新店位置

每年呢個時候，大記總會出鐵板餐。不過，每年有d細節都會同往年有分別既，咁樣可以比客人有新鮮感。今年就出個墨西哥pizza既鐵板，首先將自已喜愛既配料炒埋一齊。再包落個薄餅到就食得架。焗鴛鴦香螺一個係葡汁，另一個係配香草汁。其實個螺唔算太大粒，食左都唔知。配菜係薯蓉，呢個唔錯既。奶味好重同好軟淋淋。紐西蘭西冷條‧雞柳條西冷條同牛扒一樣，好淋同好有肉味。而雞柳條比我預期既好食，唔鞋同好嫩滑。另外，都好多配料比你撈，有墨西哥肉醬、芝士。我覺得個包加上配料，真係好夾。雪糕涼粉紅豆冰呢個配搭無可能係難飲，呢個好正。紅豆好淋，涼粉好多。好飲好解喝，唔錯。呢個晚餐真係唔錯，又唔係太貴既。所以都有機會再食，不過下次都係食牛扒會好一點。