＊－。－。－。－。－。－。－。－。－。－＊
【精選孖寶】 $46
🔸原隻鮮蝦腸➕🔸金珠咸水角
腸粉夠滑夠薄，鮮蝦大隻爽口彈牙
咸水角外脆內軟，呈金黃色，糯米皮帶煙韌。
餡料唔算太多，不過整體幾好食。
＊－。－。－。－。－。－。－。－。－。－＊
【優惠三寶】 $60
🔸灌湯小籠包➕🔸蒜香鮮蝦春卷➕🔸黑糖蜂蜜糕
小籠包唔算多湯，皮薄易穿漏哂汁，食落較乾身，好一般。
鮮蝦春卷賣相吸引，上菜方式特別。咬落好脆口，有唔少蝦肉，沾黑醋食唔錯。
黑糖蜂蜜糕第一次食覺得幾特別，黑糖味好出但唔會過甜。口感唔似馬拉糕咁軟棉鬆軟，反而扎實得黎帶種煙韌、彈口。糕身微微溼潤唔會好乾，值得一試。
＊－。－。－。－。－。－。－。－。－。－＊
🔸竹笙灌湯餃 $22
平時酒樓唔係頂點就係特點，$22的確吸引！
灌湯餃好大隻，雞湯入味，餃皮薄。
味道清鮮，餡料豐富漲卜卜，加紅醋食令人開胃。
＊－。－。－。－。－。－。－。－。－。－＊
🔸順德雙皮奶 $25
面層雖未能做到皮奶效果，但奶味濃郁，入口香滑。
微微帶甜，作為飯後甜點都OK。
＊－。－。－。－。－。－。－。－。－。－＊
