翠華餐廳 (已結業)

每次老闆番黎請食lunch, 都一定會黎公司對面既翠華。上次食過佢既多士炒蛋午餐, 覺得未如理想, 今次黎到就試佢既招牌米線喇。鹿兒島風豬軟骨拼鮮蝦菠菜餃米線 $47雖然份量真係幾充足, 不過接近五十元一碗的米線, 對我黎講依然偏貴。鹿兒島風豬軟骨係翠華既其中一個招牌, 每件豬軟骨都啖啖肉, 肉質唔算好腍, 食到肉絲既口感, 頗乾。軟骨爽脆, 味道被湯浸過後仍吃得出甜甜的醬油味。鮮蝦菠菜餃粒粒飽滿, 每啖都食到蝦同菠菜, 味道偏淡, 蝦略嫌唔夠彈牙。米線吸湯速度極快, 食到一半時已經吸哂個湯, 而且質感都變得軟腍。整體來說, 味道還可, 不過口感及價錢方面略遜一籌。