翠華餐廳 (已結業)

自從翠華變左遊客既景點之後，加上價錢比較離地，就已經好耐無食過喇。今日因為番工出街食飯唔想行太遠，就揀左就近既翠華試試。下午茶市段都絕對唔平，大多都五十蚊以上，見倒有呢個偽常餐就叫左黎食。豬扒公仔麵，拼秋葵炒蛋同牛油豬仔包，因為唔中意食秋葵所以變左淨炒蛋。牛油豬仔包得好小牛油☹️不過好彩豬仔包夠熱，食落都係外脆內軟。豬扒差唔多成個碗咁大，有醃過同埋好腍身，一啲都唔鞋口，加上有煎過所以好香口。炒蛋就最普通，連滑蛋都唔係雖然翠華價錢比一般茶餐廳貴啲，但食物絕對有保證。