影片
更多
2018-06-04
30 浏览
平時喺尖沙咀，唔係去The One, Mira mall, 就係isquare, habour city🛍今日喺美麗華商場行行吓，發現咗有間新嘅餐廳，就同幾個朋友shopping完之後去試新野！我哋叫咗幾款唔同嘅前菜、主菜同埋甜品，諗住可以share試多少少唔同嘅種類。Steak Som Tam 青檸辣椒牛扒沙律呢一個牛扒沙律有泰式嘅味道，用咗泰式嘅醬汁，非常之特別，有青檸嘅調味，十分開胃。牛扒都幾juicy，唔錯唔錯。Cheeky (Pork) Hash n' Eggs 煙豬面肉薯仔炒蛋本身我係以為呢個會用鐵鍋上菜，以為純粹係炒薯仔粒，點知個精髓原來就係個蛋。隻蛋炒得非常之滑，好濕潤，蛋香亦都非常濃郁。夾埋豬肉粒同薯仔粒一齊食，味道同口感都好夾。"Trio" Seafood Pappardelle 三重海鮮寬麵用三種唔同嘅海鮮，包括魷魚、蝦肉同埋青口，配上寬蛋麵，見到都已經流晒口水。我鍾意佢嘅調味唔會太鹹，有酸酸地嘅番茄醬味道，加上麵條煙煙韌韌，幾好食。Coffee Ganache French Toast 咖啡白朱古力西多士最後嘅甜品係我意想不到嘅造型。「西多士」切成三角形，就層層
我哋叫咗幾款唔同嘅前菜、主菜同埋甜品，諗住可以share試多少少唔同嘅種類。
Steak Som Tam 青檸辣椒牛扒沙律
呢一個牛扒沙律有泰式嘅味道，用咗泰式嘅醬汁，非常之特別，有青檸嘅調味，十分開胃。牛扒都幾juicy，唔錯唔錯。
Cheeky (Pork) Hash n' Eggs 煙豬面肉薯仔炒蛋
本身我係以為呢個會用鐵鍋上菜，以為純粹係炒薯仔粒，點知個精髓原來就係個蛋。隻蛋炒得非常之滑，好濕潤，蛋香亦都非常濃郁。夾埋豬肉粒同薯仔粒一齊食，味道同口感都好夾。
"Trio" Seafood Pappardelle 三重海鮮寬麵
用三種唔同嘅海鮮，包括魷魚、蝦肉同埋青口，配上寬蛋麵，見到都已經流晒口水。我鍾意佢嘅調味唔會太鹹，有酸酸地嘅番茄醬味道，加上麵條煙煙韌韌，幾好食。
Coffee Ganache French Toast 咖啡白朱古力西多士
最後嘅甜品係我意想不到嘅造型。「西多士」切成三角形，就層層黑白分明，咖啡味道都尚算濃郁。加埋白朱古力嘅甜味，呢個甜品令人好滿足！
最後飲咗一杯伯爵茶朱古力。伯爵茶清香嘅味道令人一試難忘，原來同朱古力嘅味道都幾夾下，兩者都唔會搶過彼此嘅風頭，起咗相輔相成嘅作用。如果佢嘅質感再厚身少少就完美了！
發掘到呢間新餐廳，之後都唔需要再頭痕，喺尖沙咀搵唔到嘢食啦！
张贴
