影片
更多
2019-09-23
23 浏览
之前見到朋友係ig up左張相係呢間bar撞到吳彥祖，又係浮跨氣派酒櫃影咗好多靚相....作為專業港女當然都要黎下啦~-一黎到就見到大門位置既落地玻璃櫥窗以不同熟成程度、不同年份放滿唔同熟成年期既麥卡倫，極具氣派，打卡必備-酒吧入面有一個好出名即位，就係呢個復古廣告壁畫前既梳化！據說每次合伙人之吳彥祖上黎都會坐係度chill下架-發現原來餐廳啱啱喺今年拎咗Best Spirits Awards銅獎，據我所知同一獎項嘅金獎同銀獎分別係由國際酒店品牌所奪得，由此可見呢間餐廳嘅spirits真係好出色，唔係普通酒吧或者餐廳可媲美！餐廳提供既食物同飲品都有d日本居酒屋feel，聽講呢度既Highball同串燒都唔錯架，今次一於要試吓！-Brandy blue cheese burger $158作為blue cheese既忠實fans，見到呢個當然要即嗌啦！咸香blue cheese同鬆厚多汁既漢堡完美融合，配上大量火箭菜，口感豐富有層次，重口味者如我倆一定鍾意-Unagi avocado roll $78鰻魚牛油果卷外層是鬆軟綿滑帶有香甜蛋味既蛋皮，入面係鰻魚， 牛油果，青瓜，面頭更鋪滿好新
之前見到朋友係ig up左張相係呢間bar撞到吳彥祖，又係浮跨氣派酒櫃影咗好多靚相....作為專業港女當然都要黎下啦~
-
一黎到就見到大門位置既落地玻璃櫥窗以不同熟成程度、不同年份放滿唔同熟成年期既麥卡倫，極具氣派，打卡必備
-
酒吧入面有一個好出名即位，就係呢個復古廣告壁畫前既梳化！據說每次合伙人之吳彥祖上黎都會坐係度chill下架
-
發現原來餐廳啱啱喺今年拎咗Best Spirits Awards銅獎，據我所知同一獎項嘅金獎同銀獎分別係由國際酒店品牌所奪得，由此可見呢間餐廳嘅spirits真係好出色，唔係普通酒吧或者餐廳可媲美！餐廳提供既食物同飲品都有d日本居酒屋feel，聽講呢度既Highball同串燒都唔錯架，今次一於要試吓！
-
Brandy blue cheese burger $158
作為blue cheese既忠實fans，見到呢個當然要即嗌啦！咸香blue cheese同鬆厚多汁既漢堡完美融合，配上大量火箭菜，口感豐富有層次，重口味者如我倆一定鍾意
-
Unagi avocado roll $78
鰻魚牛油果卷外層是鬆軟綿滑帶有香甜蛋味既蛋皮，入面係鰻魚， 牛油果，青瓜，面頭更鋪滿好新鮮既脆卜卜蟹籽，好鍾意佢係bite size，一啖一個，唔會食到好無儀態好混亂咁🤣
-
Foie gras & oyster in yakitori sake sauce $88 x2
極度邪惡既配搭！用紫菜包住鵝肝同生蠔，配上日式醬汁，一口嗒落去，味道好香濃，第一次嘗試呢個配搭，無諗過鵝肝同生蠔兩者會咁夾，要讚一讚廚師加入左大量切到一絲絲既菜，令呢道菜有好好既balance，令人意外地完全唔覺得油膩
-
Scallops in pesto $72
帶子燒到啱啱好，唔會過熟，配上泰式青醬好醒胃
“Gyutan” ox tongue $58
薄切既燒牛舌，肉味濃郁，火候控制得啱啱好。
Spanish pork belly kimchi roll $48
豚肉串配上韓國泡菜，一黎就聞到香氣撲鼻，兩種食材加埋鹹鹹辣辣，又有唔同口感，食落好有層次
-
Salted egg chicken crackling $38
聽講男神最鍾意食呢度嘅鹹蛋黃炸雞皮！原來呢份雞皮係每日限量架，因為呢道菜既工序非常繁複，雞皮係要每日人手撕出黎，再刮去肥膏，然後拎去炸，好花心機架，好彩我今日有幸食到😍雞皮酥脆得黎完全唔會油膩，真係冇肥膏架！上面佈滿鹹蛋黃粉，但就唔會好似市面上一般咁過鹹，食哂成碟都唔會覺得好口渴！用黎送酒真係一流
Hojicha Mizuwari $140
以2019 World best blended whiskey-Nikka from the Barrel Japanese Whisky作底，加入黑檸檬苦精、焙茶同梳打水，味道濃郁，焙茶香氣加上威士忌既苦烈味，消暑解渴一流！
-
食完野之後，個度d staff同我地玩左個小遊戲，就係要係36條鎖匙入面揾出真既鎖匙打開鐵閘，成功左老闆就會送1shot威士忌俾你飲，正呀！老闆請我哋飲既呢shot原來啱啱呢年拎過世界大獎，飲落真係好舒服，連我呢d唔飲慣烈酒嘅小女生都鍾意。
入到去呢個酒櫃真係不得了，有好多唔同國家唔同品種唔同年份唔同款式嘅威士忌，仲要好多都係已經絕版或者市面上好難搵到嘅款式，令人大開眼界，喺度轉個身都要小心d，如果唔係真係賠唔起哈哈哈😆 呢度絕對係打卡既靚位，好建議各位女仔着條靚裙黎影個靚相。
张贴
