塚田農場 (已結業)

好耐都冇同朋友出嚟食嘢啦，就諗住約佢出嚟食午餐傾偈。啱啱好聽講最近有間日式餐廳嘅火鍋唔錯，仲可以喺露台睇到好靚嘅維港景，就問咗朋友有冇興趣去試下，朋友聽咗都覺得唔錯，我哋就確定去嗰度享用午餐。我哋揀咗露台嘅位置食火鍋，因為風景實在係太靚啦！店入面仲有擺咗啲擺設，睇落好特別，就順便幫朋友影咗幾張相作為紀念🤭服務員推薦嘅美人滋鍋御膳味道真係唔錯，佢哋獨有嘅雞湯味道真係非常之香，擺盤都好靚，真係唔愧係呢度嘅經典菜單！然後肉類選擇有和牛同埋豚肉，好正！我哋都覺得美人鍋呢個名好特別，就問咗服務員點解老闆會放呢個名，服務員話呢個湯係由幼雞同走地雞嘅雞骨熬成，有豐富嘅骨膠原，仲有美顏嘅功效，所以食咗皮膚可以變得更好！我同朋友聽咗都把湯飲晒，因為每一口都係精華，唔可以浪費😂好難得我同朋友有機會食到咁正嘅火鍋，仲有海景可以欣賞。我哋仲約咗下次再嚟試下其他菜品！