峰景餐廳 (已結業)

早幾日夜晚7點左右黎食晚飯，邊食飯邊有靚靚日落景緻，用餐環境非常好。今晚early dinner 食少少嘢，兩個前菜一個主菜。意大利八爪魚薄片（$146）八爪魚切成薄片，配埋沙律菜，酸酸地又開胃。新鮮蟹肉薯餅（$158）老婆最愛呢度嘅蟹肉薯餅，蟹肉撈左牛油果，加埋脆脆的薯餅，感覺即刻高級左。拌碟有西瓜粒同南瓜籽，感覺清新。特級澳洲黑安格斯肉眼扒（$336），配菜有黑松露薯寶同忌廉菠菜（各加$46）。當晚牛扒熟度合乎我地預期，而且預先切好夠窩心。至於配菜，薯寶好好味，有黑松露香味又香脆；菠菜反而攤凍左會漏，一定要趁熱食。